Acai skálar eru vinsæll morgunmatur eða létt máltíð.
Himneska hnetusmjörið er dásamlegt út á skálina, ásamt lífrænu haframúslí og ferskum ávöxtum.
2 ½ dl frosin sólber, hindber eða acai mauk
2 bananar, í sneiðum
1 tsk vanilla
1 dl kókosmjólk*
ofan á:
hnetusmjör
haframúslí
ferskir ávextir ef vill
* fyrir rjómakenndari skál er hægt að setja kókosmjólkurdósina inn í ísskáp í smá stund svo þykki hlutinn stífni og nota bara þykka hlutann í uppskriftina.
AÐFERÐ
Setjið kókosmjólk, banana og vanillu í blandara og blandið þar til silkimjúkt.
Hafið blandarann í gangi, takið tappann úr lokinu og setjið sólberin eða acai maukið (sem gott er að skera í litla bita) ofan í nokkur í einu. Þannig nær skálin að verða alveg silkimjúk.
Ef blandarinn ykkar er ekki mjög kröftugur er hægt að setja þetta fyrst í matvinnsluvél og síðan í blandarann. Eða hafa þetta þynnra og setja síðan inn í frysti smá stund svo skálin þykkni.
Setjið maukið í skál og skreytið með hnetusmjöri, ferskum ávöxtum, haframúslí og jafnvel hnetum eða fræjum ef vill.
Njótið!