Um Aðföng

Ferskar kjötvörur urðu hluti af Aðföngum árið 2020 en fyrirtækið er einn af stærstu kjötverkendum landsins og býður neytendum upp á það besta frá íslenskum bændum.

Aðföng flytja einnig inn  léttvín frá helstu vínræktarhéruðum heims sem selt er í netverslun Hagkaupa og í vinbúðum ÁTVR og er því stýrt undir hatti Vínfanga.

Stærðarhagkvæmni er lykilstef í allri starfsemi Aðfanga og er nýjasta tækni nýtt við rekstur fyrirtækisins hvar sem því verður við komið. Til þess að Aðföng geti sinnt sínu kjarnahlutverki, að tryggja íslenskum neytendum hágæða mat- og dagvöru, skiptir skilvirkur flutningur, gagnsæi í uppruna vöru og gæði öllu máli. 

Aðföng leggja metnað í að lágmarka neikvæð umhverfisáhrif starfseminnar. Með skilvirkum verkferlum og umhverfisvænum lausnum leggja Aðföng sitt á vogarskálarnar. Hluti alls þessa er framboð á matvælum úr lífrænni ræktun, en Himneskt er vörumerki í eigu Aðfanga sem framleiðir hágæða matvörur úr lífrænni ræktun.

Hjá Aðföngum starfa að jafnaði um 180 manns í 150 stöðugildum en gott starfsfólk er lykillinn að góðum árangri og því leitast Aðföng við að vera eftirsóknarverður vinnustaður. Aðföng hefur einsett sér að vera heilsueflandi vinnustaður fyrir starfsfólk sitt og að sjá til þess að allir fái tækifæri til að vaxa og dafna í starfi.