Auðvelt
Mildur og fjölskylduvænn berjasjeik með brokkolí og avókadó.
Hægt er að laga hann að smekk, t.d. vilja sumir hafa sjeikana sína sætari á bragðið, þeir setja þá meira af banana eða bæta 2-3 döðlum við. Fyrir minna sætan sjeik má setja avókadó í staðinn fyrir bananann.
1 dl lífrænar möndlur
5 dl vatn
2 dl frosið brokkolí
½ avókadó
1 banani
1 msk chiafræ
1 msk hörfræolía
4-5 dl frosin ber (t.d. bláber og hindber)
Setjið möndlur og vatn í blandara og blandið þar til orðið að möndlumjólk. Bætið þá restinni út í og blandið þar til silkimjúkt. Ef smoothie-inn er of þykkur má bæta ½ -1 dl af vatni við.
Þessi er bestur nýblandaður og kaldur.