Til baka
Hummus
Þessi hummus er mjög ljúffengur, æðislegt að bera hann fram með niðurskornu fersku grænmeti og maískökum, en líka frábær í vefjur og pítur eða sem álegg á brauð.
3 msk sítrónusafi
1-2 hvítlauksrif, saxað
1 tsk sjávarsaltflögur
1/16 tsk cumin
2-3 msk tahini
2 msk jómfrúar ólífuolía
2-4 msk vökvi úr baunakrukkunni eða vatn
1 krukka kjúklingabaunir
Ef þið eigið mjög kröftugan blandara er hægt að nota hann, annars er matvinnsluvél eða töfrasproti góður kostur.
Setjið sítrónusafa og saxaðan hvítlauk fyrst í tækið sem þið notið og leyfið að standa á meðan þið finnið restina til.
Hellið vökvanum af kjúklingabaununum og geymið vökvann í skál.
Ef þið nennið að afhýða kjúklingabaunirnar þá verður hummusinn extra mjúkur, en það má alveg sleppa þessu skrefi. (Þá eru kjúklingabaunirnar settar á skurðarbretti, höndunum rúllað yfir þær, þá losnar hluti af hýðinu frá, pillið það í burtu eins og þið nennið, ef þið nennið, þarf ekki).
Bætið nú saltflögum, cumin, tahini, ólífuolíu og 2 msk vatn/baunavatni út í sítrónusafann og hvítlaukinn.
Þeytið í smá stund. Bætið svo kjúklingabaununum út í og maukið. Ef þetta er of þykkt er gott að bæta við 2 msk af baunasoði/vatni út í.
Berið fram með niðurskornu grænmeti og maískökum eða smyrjið á gott brauð eða notið í vefju eða pítubrauð.
Fleiri uppskriftir
Ribeye
Það er ekkert eins gott og vel eldað ribey, hér ertu með uppskrift af ribey nautalund sem kitlar bragðlaukana.
Hakk og spagettí
Við kynnum fyrsta flokks íslenskt nautakjöt frá Íslandsnauti – fullkomnað með dásamlegri spagettí uppskrift Íslandsnaut býður aðeins fyrsta flokks íslenskt nautakjöt.
Smash style borgari
Smash hamborgarar hafa notið mikilla vinsælda og bjóða upp á bragðmikla útgáfu af hefðbundnum hamborgara.
