Þessi hristingur er mildur og góður í morgunsárið. Ef þið viljið meira bragð er um að gera að smakka hann til eftir smekk.
⅔ dl hampfræ
2 dl vatn
2 ½ dl frosið mangó
½ banani
1 msk hörolía
1 msk engiferskot
1 msk sítrónusafi
1 tsk chiafræ
½ - ¾ tsk túrmerik
½ tsk möluð kardemomma
Byrjið á að setja hampfræ og vatn í blandara og blandið í 10-15 sekúndur, þar til úr verður hampfræjamjólk.
Skerið ávextina í bita og setjið út í ásamt restinni af uppskriftinni.
Blandið öllu saman í blandara þar til silkimjúkt.
Njótið!