Miðlungs
Nærandi skál með grænmeti, baunum og ljúffengri dressingu
1 sæt kartafla
1 dl soðnar kjúklingabaunir
1-2 msk ólífuolía
1 tsk sjávarsaltflögur
1 tsk karrýduft
6 brokkolíní sprotar (eða brokkolí)
½ rauðlaukur
1 msk balsam edik
kjarnar úr ¼ granatepli
3-4 þurrkaðar aprikósur, smátt skornar
1 msk kapers
1 msk ristuð graskersfræ
Dressing
1 dl ólífuolía
½ - 1 tsk sjávarsaltflögur
nýmalaður svartur pipar
1 msk sinnep
1 sítróna, safinn og hýðið
¼ tsk timían
1-2 hvítlauksrif, marin
Byrjið á að hita ofninn í 180°C.
Afhýðið sætu kartöfluna og skerið í 2x2 cm teninga.
Setjið sætkartöflubitana, kjúklingabaunirnar, ólífuolíu, salt og karrýduft á ofnplötu og bakið við 180°C í ca 20 mínútur eða þar til sætu kartöflurnar eru byrjaðar að fá gylltan lit og eru bakaðar í gegn.
Á meðan grænmetið bakast í ofninum, snöggsteikið brokkolíní á heitri pönnu með smá óífuolíu. Skerið rauðlaukinn í þunnar sneiðar og setjið laukinn síðan í skál og hellið balsam edikinu yfir og blandið saman.
Allt hráefnið í dressinguna er sett í krukku og hrist saman.
Raðið að lokum öllu fallega í 2 skálar og berið fram með dressingu.
